進擊的巨人(第一集) 自學日語之-

從零開始學日語,可以先睇依個

IMG_7546

1. その日 [そのひ / sonohi]
那一天

IMG_7547 IMG_7548 IMG_7549

2. 人類は思い出した [じんるい は おもいだした / jinrui wa(ha) omoidashita]
人類终於回想起

人類 [じんるい/jinrui] – 人類

[は/wa(ha)] - 助語,佢之前係主語

思い出した [おもいだした/omoidashita] – 睇番上面圖三。(v5s)代表[さ/sa]行五段動詞。辭書形為”思い出す [おもいだす/omoidasu]”,(past)表示這裡是過去式,[さ/sa]行五段過去式係會將[す/su]變左[した/shita]。(vt)是他動詞。

日文動詞分自動詞和他動詞。佢同英文transitive/intransitive verb唔一樣。當
物的變化或狀態,或是客觀的事實既時候用自動詞。而人有意識去做一樣野會用他動詞。

太陽が上がる - 話太陽升起,會用自動詞”上がる[あがる/agaru]”
顔を上げ – 抬頭,會用他動詞日”上げる[あげる/ageru]”

IMG_7550 IMG_7551 IMG_7551b IMG_7552

 3. やつらに支配されていた恐怖を [やつら に しはいされていた きょうふ を / yatsura ni shihaisareteita kyoufu wo]

曾被巨人支配的恐怖

やつら [ やつら / yatsura ]- 那些傢伙

[ に / ni ] - 助詞,被

支配されていた [ しはいされていた / shihaisareteita ] – 睇番上面圖三。(vs)代表サ變動詞,即係[する/suru],解作做野。好多名詞加[する/suru]就可以變動詞,既方便,又環保。(te-form)係活用既一種,其中一種用法係(te-form)加[いる/iru]代表進行式。(te-form)加[いた/ita]代表過去進行式。(passive)就係被動式。[する/suru]被動變為[される / sareru ], 再加(te-form)變為[されて / sarete ], 再加[いた / ita ]就係[されていた]。咁支配依個動詞就變左有”過去一直被支配”既意思。

恐怖 [ きょうふ/kyouhu ] – 恐怖 ( 上面個動詞係形容恐佈 )

IMG_7553 IMG_7554 IMG_7555

4. 鳥籠の中に囚われていた [とりかご の なか に とらわれていた / torikago no naka ni torawareteita]
還有那份被困在鳥籠中的

 

鳥籠 [とりかご / torikago ] – 鳥籠

[の / no ] – 優の良品個”之”

[ なか / naka ] – 裡面

[ に / ni ] - 助詞,依度解:在

囚われていた [ とらわれていた / torawareteita] – 睇番上面圖三。(vi)係自動詞,(v1)係一段動詞,一段動詞轉te-form,只需要將字幹 ( 唔要最後個 [ る/ru ] ) 囚われ [ とらわれ / toraware] 加 [ て / te ] 就可以。同上面一樣,加埋[いた / ita ]就係過去進行式

IMG_7557IMG_7556

5. 屈辱を [ くつじょく / kutsujyoku ]
屈辱

 

睇圖。無補充喇。

IMG_7558IMG_7559IMG_7560IMG_7561

6. 総員 戦闘用意 [ そういん せんとうようい / souin sentou youi ]
全員 準備戰鬥

睇圖巳明。

IMG_7562 IMG_7563 IMG_7564

7. 目標は一体だ [ もくひょう いったい だ / mokuhyou ha ittai da]
目楆只有一個

 [ だ / da ] – (aux) 助詞,”係”咁解。[ です / desu ] 的常體。阿頭帶住隊兵劈友,咁既情況,一定唔會用敬體。

其他睇圖巳明。


IMG_7565
IMG_7566

8. 必ず仕留め [ かならず しとめ / kanarazu shitome ]
一定要殺死它

仕留める [ しとめる / shitomeru ] – 殺死。(vt) 他動詞,依句冇賓語,冇講殺啲乜,不過大家都知。

睇動漫學日文(由0開始懶人包)

學日文?梗係睇住動漫學啦,就算完全唔識,聽得多都講到兩句。有人會學完日本初級,背左好多野先,但係,睇住動漫字幕,見到有乜唔識,揾Google神幫手,先背相關既野,可能更加事半功倍。

不過,一開始始終都要知少少,以下提供日語入門”超級懶人包”,睇完之後,我地一齊睇"進擊的巨人"第一集字幕。


五十音

學英文要先學ABC,學日文就先學"あいうえお",讀做"a i u e o", 用廣東話你可以當佢讀”丫依烏EH痾,(EH同爹同韻)。"あいうえお”之後係"かきくけこ”,即係"ka ki ku ke ko",如此一行行咁學,一行有五個段(五個音),一共有十行,所以就叫做五十音。

平假名清音一覽

不過日文對一個音,有兩種寫法,對於外來語(英文呀,法文呀)會用另一套ABC黎寫,之前學既"あいうえお"叫平假名、相對既"アイウエオ"叫片假名。(吓?說好的五十音呢?咁咪變左要學一百音囉!)未背到?,唔緊要, 以下我會加埋羅馬字(即係用英文aiueo)黎講。其實知道正確既羅馬字已經可以係電腦輸入日文。

講多少少,有時你地會見到有啲細隻啲既日文字如”きゃ”裏面既"ゃ"我地叫拗音,兩個音[き/ki]同[や/ya]會讀埋一齊, 羅馬字用"kya"黎表達, 另外,"かった"裏面既"っ"係唔讀,叫做促音,"かった"羅馬字會寫成"katta",將後面果聲母t寫兩次,代表"か/ka]"同"[た/ta]"中間會停一停,因為有個促音。

五十音講住咁多(清音,濁音,長音唔講住)


 漢字

我地睇日文,最鍾意就梗係睇到漢字喇,唔識讀到估到係啲乜。每個漢字都可以用平假名寫,如”漢字”的平假名是”[(平假名)かんじ/(羅馬字)kanji]”,”無料”的平假名是”[むりょう/muryou]”,(係呀,”りょ”係上文提到既拗音, [り/ri]+[よ/yo] = ryo )。咦?咁似中文讀音既,係呀,中國傳入去架嘛,依啲叫"音讀"。一個漢字o係唔同既用法,可能有唔同讀音。”目”,日文解作眼,讀"[め/me]” (* <- 羅馬字讀音,讀咩,唔係讀咪架) ,係日本本土既音,叫"訓讀",”目標[もくひょう/mokuhyou]”裏面既"目[もく/moku]",係音讀。


句型

好啦,學句子喇。學兩句用住先。

1."私は木村です"- 成句解作:我係木村。

私 – 解:我,讀[わたし/watashi]
は – 助詞,讀[は/ha] 依度有啲特別,要讀wa,代表前面既係主語,句子的主題。
木村 – 解:木村,讀[きむら/kimura]
です – 解係/是,讀[です/desu]

成句讀做watashi wa(ha) kimura desu

2. 私は食べ物を買います

私 – 解:我,讀[わたし/watashi]
は – 助詞,讀[は/wa(ha)],代表前面既係主語
食べ物 – 解食物,讀[たべもの/tabemono]
を – 助詞,讀[を/wo],代表前面既係賓語。
買い – 動詞,解買,讀[かい/kai],字典原形係”買う”,我地叫辭書形,後面接住”ます”,所以依度轉左做連用形。下一段會講動詞活用。
ます – 讀[ます/masu],敬體助動詞,放係動詞之後,句子既結尾。敬體,即係比較禮貎既講法。

成句讀做:watashi wa(ha) tabemono wo kai masu

可以見到日文裏,動詞係擺係最後。主語同賓語放係前面。

所以中文
– 我食飯
日文會變成
– 我飯食


形容詞

形容詞,我唔講太多喇,只要記住有啲形容詞係[い/i]尾,好似想講好味,日文係:美味しい[おいしい/oishi]。有啲形容詞係接[な/na], 好似話人好精神,元気[げんき/genki],就會用”元気な人”、依類我地叫做形容動詞。(吓?形容動詞?同動詞有乜關係?)


動詞

終於黎到最後,亦係我最想講既部份。學英文,我地會學tenses,學日文,我地叫動詞活用,係咪好型?動詞主要分兩類,一段動詞同五段動詞。我先講五段動詞。

五段動詞最後一個音變化後,可以表達唔同既tenses。譬如,”聞く[きく/kiku]”係一個五段動詞,解作:聽。聞く的[く/ku]可以變化。記唔記得五十音有講過一行有五個段,[く/ku]是[か/ka き/ki く/ku け/ke こ/ko]的其中一個段。下面我地睇吓點變。

聞かない [きかない/kikanai] – 否定句(negative)唔做某啲野:唔聽。
聞きます [ききます/kikimasu] – 敬體(masu-form):聽。
聞く [きく/kiku] – 辭書形(dictionary form):聽。
聞ける [きける/kikeru] – 可能(potential)有能力做某啲野:聽得到。
聞こう [きこう/kikou] – 意志(volitional)想去做某啲野:去聽囉

日文都有過去式,進行式,被動式,使役形,可能形,命令形,重有一段動詞,する/くる等特殊動詞,唔使急,之後你可以慢慢背,都係有pattern既。

好喇,依家就開始睇片(字幕)。

by ZERO

點樣揾日劇或者動畫嘅日文字幕

啱啱學日文嘅朋友,學完五十音同基本嘅動詞變化,有日文字幕,其實應該可以睇明日劇同埋動畫
用SABU睇住中文字幕,先理解每句嘅大意,然後睇日文字幕裡面有乜字唔識,噤住個字睇解釋,動詞變化同讀音。理解到之後,聽多幾次(噤 Back掣重覆同一句字幕),你就會聽到每一個字,如果句子太長就用AB Repeat重覆字幕嘅某部份。聽完之後,記住學主角一樣讀番出黎,咁煲多套劇幾次,你見到嗰幕情景,就好自然識得背番出黎。

揾日劇字幕

入番正題,咁點揾日文字幕?  日劇嘅話, d-addicts網站係首選。依果外國Forum,主要就係交流日劇嘅日文同英文字幕。裡面啲Attachment一Click就可以Download,Login都唔使,真係冇得彈。

http://www.d-addicts.com/forum/subtitles.php#Japanese

如果你追緊依家播緊嘅日劇,可以去jpsubbers。Jpsubbers主要係有善心人每日係日本張啲字幕錄低放上網。入到去再Click去Main,可以睇番2000年到依家嘅字幕,比如去2003 Summer Season,就可以揾到近年嘅神劇”半澤直樹”。

http://jpsubbers.x10.mx/Japanese-Subtitles/

揾動畫字幕

睇動畫嘅,可以去kitsunekko揾。好多經典動漫如SLAM DUNK,死神,死亡筆記都有。

http://kitsunekko.net/subtitles/japanese/

佢亦update得好密,用下面條link可以睇到有乜新野。比如One Piece,火忍都追到Live。

http://kitsunekko.net/dirlist.php?dir=subtitles/japanese/&sort=date&order=desc

另外你可以去啲字幕組揾,依家有幾個字幕組如天空樹,諸神都專門出日中雙語字幕。其中最正嘅係諸神字幕組,除左出軟字幕之外(軟字幕即係文字,外掛格式),佢地出嘅片都係MKV,裡面嘅中日字幕都可以用Tools攞番出黎。(之後會再出Post講點樣由MKV抽出SRT/SAA字幕)

http://www.kamigami.org/forum-176-1.html

http://www.kamigami.org/forum-16-1.html

http://bt.ktxp.com/search.php?keyword=諸神%20mkv

其他有用嘅Link。

http://anisource.net/data/showlist/3?type=4

http://bbs.jpbara.com/forum.php?mod=viewthread&tid=71&extra=page%3D1

http://www.shooter.cn/search2/日文字幕

http://www.jpfad.com/bbs/forumdisplay.php?fid=134&page=1

http://project-modelino.com/movies.php?site_language=english&learn_language=japanese

希望以上資料幫到大家。